Venesuela prezidenti Nikolas Maduro mamlakatda eng kam ish haqi miqdorini 60 barobarga oshirilishini e’lon qildi. Uning ma’lum qilishicha, endi eng kam ish haqi bir petro kriptovalyutasining yarmini tashkil etadi.
“Kommersant”ning qayd etishicha, mamlakatdagi giperinflyatsiya va neft qazib olish hajmining pasayishi Venesuela hukumatini keng miqyosli pul islohotini o‘tkazishga majbur qildi — 20-avgust kuni denominatsiya o‘tkaziladi (kupyuralardan beshta nol olib tashlanadi), yangi valyuta — suveren bolivar esa Venesuela kriptovalyutasi — petroga bog‘langan bo‘ladi.
Maduroning so‘zlariga ko‘ra, bir petroning qiymati 60 dollar yoki 3,6 ming suveren bolivarga teng. Shunday qilib, eng kam ish haqi miqdori 1,8 ming suveren bolivar (yoki 30 dollar)ni tashkil etadi.
El Nacional nashrining yozishicha, bungacha Venesuelada eng kam ish haqi miqdori 30 suveren bolivarga teng edi.
Izoh (0)