Samarqand viloyat yo‘l harakati xavfsizligi xizmati xodimlari sodir etilayotgan yo‘l-transport hodisalari, ayniqsa tungi vaqtlarda sodir bo‘layotgan avtohalokatlarni oldini olish, qoidabuzarliklar sonini kamaytirish hamda harakatlanish xavfsizligini keng ko‘lamda targ‘ib etishning yangicha usullarini joriy etishni boshlashdi, deb xabar bermoqda “Daryo” muxbiri Farhod Norbo‘tayev.
Foto: “Daryo”Jumladan, bu boradagi dastlabki ishlar viloyatning “Yuqori nuqta” muntazam YPX maskanida amalga oshirildi. Xodimlar maskanning hamma uchun ko‘rinarli bo‘lgan joyiga katta ekran o‘rnatib, kunning qorong‘i vaqti boshlanishi bilan sodir etilgan yo‘l-transport hodisalari aks ettirilgan video lavhalar qo‘yib berilmoqda.
Foto: “Daryo”Samarqand viloyati IIB YHXB matbuot xizmati bergan ma’lumotga ko‘ra maskandan o‘tayotgan har bir haydovchi hamda avtomobildagi yo‘lovchilar YTHning ayanchli oqibatlarini ko‘radi. Bu esa uzoq masofaga ketayotgan haydovchi va yo‘lovchilarni hushyorlikka chorlaydi.
Foto: “Daryo”Belgilangan tezlikni oshirish, quvib o‘tish va odam tashish qoidalarini buzish qanday oqibatlarga olib kelishi mumkinligi haydovchilarni hushyor tortirsa, qoidalarni mensimasdan transport vositasini boshqarayotgan haydovchilarni tartibga solish uchun yo‘lovchilarga asos bo‘lib xizmat qiladi.
Yo‘l-transport hodisalarining, ayniqsa og‘ir oqibatli hodisalarni ko‘rgan har qanday odam ham qadamini bilib bosadi va hushyor tortadi. Chunki bu hodisalar qoidalar talablarini bajarmaslik, uyqu va charchoq holatlarni inobatga olmaslik oqibatida kelib chiqayotganligi hech kimga sir emas.
Foto: “Daryo”Bu kabi profilaktik targ‘ibot ishlarining olib borilishi viloyat hududidan o‘tuvchi avtomobil yo‘llarida yo‘l transport hodisalarining sezilarli darajada kamayishiga olib kelmoqda.
Izoh (0)