Toshkent shahar hokimligi Matbuot xizmati yangi www.xn--tshkentnews-yij.uz saytini ishga tushirmoqda. Poytaxt, uning ijtimoiy-iqtisodiy hayotidagi so‘nggi yangiliklar haqida 9 ta bo‘lim orqali ma’lumotga ega bo‘lish mumkin. Barchasi tezkor va informatsion formatda. Bu haqda Toshkent shahar hokimligi Matbuot xizmati xabar bermoqda.
Birinchi bo‘lim — “Toshkent”. Bu yerda poytaxtda bo‘layotgan so‘nggi o‘zgarishlar, uning me’moriy ansambli, bo‘lib o‘tayotgan qiziqarli voqelar, aksiya va kutilayotgan tadbirlar haqida to‘liq ma’lumotga ega bo‘lish mumkin.
Shuningdek bu haqda “O‘zbekiston” bo‘limi orqali ham tanishish mumkin.
“Obod mahalla” — saytning maxsus bo‘limi. Ushbu bo‘limda poytaxtdagi obodonlashtirish va ko‘kalamzorlashtirish haqida so‘nggi yangiliklar, davlat dasturi doirasida amalga oshirilayotgan ishlar, qaysi mahallalar yangi qiyofaga kirganligi va qaysilari navbatda turganligi to‘g‘risida ma’lumotlar joylashtirilib boriladi.
“Iqtisodiyot” — mazkur bo‘lim Toshkent shahrida yaqin kelajakda joriy etiladigan yangi investitsion loyihalar haqida ma’lumotlar beradi.
“Jamiyat” — bu bo‘lim barcha uchun. Toshkentda sodir bo‘layotgan so‘nggi voqeliklar, dam olish kunlarida qayerlarga borish mumkinligi, poytaxtda o‘tkazilishi kutilayotgan aksiyalar haqidagi ma’lumotni aynan ushbu bo‘limdan oling.
“Siyosat” — bu bo‘limda O‘zbekistonning ichki va tashqi siyosatida ro‘y berayotgan siyosiy jarayonlar aks etadi.
“Texnologiya” — mazkur bo‘lim sizni yuqori texnologiyalar va IT sohasidagi yangi ishlanma va g‘oyalarning qachon va qanday amaliyotga joriy etilishi bilan tanishtirib boradi.
Toshkentga kelgan mehmon borishi lozim bo‘lgan maskanlar haqida esa “Turizm” bo‘limida ma’lum qilib boriladi. Ushbu bo‘limda poytaxtining diqqatga sazovor joylari, dam olish va ko‘ngilochar maskanlari haqida to‘liq ma’lumot berib boriladi.
Sport bilan shug‘ullanuvchi o‘zbekistonliklarning yangi g‘alabalari haqida “Sport” bo‘limidan ma’lumot oling.
“Ular Toshkentda yashaydi” — rejalashtirilayotgan bo‘lim bo‘lib, u orqali poytaxtda istiqomat qilayotgan oddiy insonlar, ularning mehnati va faoliyati sabab, mamlakat va poytaxtning rivojlanishi uchun xizmat qilayotgan yangiliklar haqida ma’lumot olasiz.
Yangi sayt hozirda sinov rejimida ish olib bormoqda. Uning qanday formatda bo‘lishi haqida hamma o‘z taklifini berishi mumkin. Bu uchun qayta aloqa ham mavjud. O‘z takliflaringizni info@tashkentnews.uz elektron pochtasiga yuborishingiz mumkin. Ular ko‘rib, o‘rganib chiqiladi.
Izoh (0)