Самарқанд вилоят йўл ҳаракати хавфсизлиги хизмати ходимлари содир этилаётган йўл-транспорт ҳодисалари, айниқса тунги вақтларда содир бўлаётган автоҳалокатларни олдини олиш, қоидабузарликлар сонини камайтириш ҳамда ҳаракатланиш хавфсизлигини кенг кўламда тарғиб этишнинг янгича усулларини жорий этишни бошлашди, деб хабар бермоқда «Дарё» мухбири Фарҳод Норбўтаев.
Фото: «Дарё»Жумладан, бу борадаги дастлабки ишлар вилоятнинг «Юқори нуқта» мунтазам ЙПХ масканида амалга оширилди. Ходимлар масканнинг ҳамма учун кўринарли бўлган жойига катта экран ўрнатиб, куннинг қоронғи вақти бошланиши билан содир этилган йўл-транспорт ҳодисалари акс эттирилган видео лавҳалар қўйиб берилмоқда.
Фото: «Дарё»Самарқанд вилояти ИИБ ЙҲХБ матбуот хизмати берган маълумотга кўра маскандан ўтаётган ҳар бир ҳайдовчи ҳамда автомобилдаги йўловчилар ЙТҲнинг аянчли оқибатларини кўради. Бу эса узоқ масофага кетаётган ҳайдовчи ва йўловчиларни ҳушёрликка чорлайди.
Фото: «Дарё»Белгиланган тезликни ошириш, қувиб ўтиш ва одам ташиш қоидаларини бузиш қандай оқибатларга олиб келиши мумкинлиги ҳайдовчиларни ҳушёр тортирса, қоидаларни менсимасдан транспорт воситасини бошқараётган ҳайдовчиларни тартибга солиш учун йўловчиларга асос бўлиб хизмат қилади.
Йўл-транспорт ҳодисаларининг, айниқса оғир оқибатли ҳодисаларни кўрган ҳар қандай одам ҳам қадамини билиб босади ва ҳушёр тортади. Чунки бу ҳодисалар қоидалар талабларини бажармаслик, уйқу ва чарчоқ ҳолатларни инобатга олмаслик оқибатида келиб чиқаётганлиги ҳеч кимга сир эмас.
Фото: «Дарё»Бу каби профилактик тарғибот ишларининг олиб борилиши вилоят ҳудудидан ўтувчи автомобиль йўлларида йўл транспорт ҳодисаларининг сезиларли даражада камайишига олиб келмоқда.
Изоҳ (0)