Yaponiyada 21-iyul, shanba kuni jazirama zarbi oqibatida 13 kishi halok bo‘ldi. Bu haqda “RIA Novosti” xabar bermoqda.
Shanba kuni mamlakatning aksariyat hududlarida havo harorati +35 darajadan yuqori bo‘lgan. Xususan, Kiotoda termometr ko‘rsatkichi +38 darajadan o‘tib ketgan.
Qayd etish joiz, birgina Kiotoning o‘zida shanba kungi jaziramadan yetti kishi halok bo‘ldi. Qolgan olti kishi boshqa prefekturalarda vafot etgan.
Yaqin kunlar davomida havo harorati +35 daraja atrofida saqlanib qolishi kutilmoqda. Yaponiya meteorologlari aholini zarurat bo‘lmasa ko‘chaga chiqmaslikka va quyosh ostida ishlamaslikka chaqirmoqda.
Izoh (0)