Японияда 21 июль, шанба куни жазирама зарби оқибатида 13 киши ҳалок бўлди. Бу ҳақда «РИА Новости» хабар бермоқда.
Шанба куни мамлакатнинг аксарият ҳудудларида ҳаво ҳарорати +35 даражадан юқори бўлган. Хусусан, Киотода термометр кўрсаткичи +38 даражадан ўтиб кетган.
Қайд этиш жоиз, биргина Киотонинг ўзида шанба кунги жазирамадан етти киши ҳалок бўлди. Қолган олти киши бошқа префектураларда вафот этган.
Яқин кунлар давомида ҳаво ҳарорати +35 даража атрофида сақланиб қолиши кутилмоқда. Япония метеорологлари аҳолини зарурат бўлмаса кўчага чиқмасликка ва қуёш остида ишламасликка чақирмоқда.
Изоҳ (0)