AQSh Donbassda referendum o‘tkazish to‘g‘risidagi taklifni ma’qullamaydi, chunki uning o‘tkazilishi noqonuniy bo‘lardi, deb hisoblaydi. Bu haqda AQSh Davlat departamenti vakili Hizer Nauert ma’lum qildi, deya xabar bermoqda Meduza.
Bloomberg ma’lumotlariga ko‘ra, Xelsinkidagi AQSh—Rossiya sammiti doirasidagi o‘zaro muzokaralar vaqtida Vladimir Putin Donald Trampga Donbassda referendum o‘tkazishni taklif qilgan.
“Interfaks” manbasining bayon etishicha, bunda gap “Qrim ssenariysi” (masalan, Donbassni Rossiya tarkibiga qo‘shib olish)ni takrorlash haqida emas, balki Donbassni Ukraina tarkibidagi muxtor hududga aylantirish masalasida bormoqda.
Rossiya Tashqi ishlar vazirligi bu g‘oyani Minsk kelishuvlari o‘rniga ehtimoliy muqobil taklif deya atagan edi.
Izoh (0)