AQSh prezidenti Donald Trampning 16 iyul kuni Finlyandiya poytaxti Xelsinkida Rossiya prezidenti Vladimir Putin birga o‘tkazgan qo‘shma matbuot anjumanidagi xulqi Oq uyning aksariyat xodimlari uchun “mutlaqo kutilmagan” ko‘rinish olgan, deb yozmoqda The Wall Street Journal.
Gazeta ma’lumotlariga ko‘ra, Tramp ma’muriyati tomonidan tayyorlangan reja bo‘yicha, Amerika prezidenti Rossiyaning AQSh prezident sayloviga aralashuvi bo‘yicha Putinga e’tirozlar bildirishi kerak edi. Rossiya Bosh razvedka boshqarmasining 12 xodimiga nisbatan ayblov e’lon qilingani Trampning nafaqat yopiq muzokaralardagi, balki matbuot anjumanidagi mavqeini ham mustahkamlaydi, deb kutilgan edi.
“U bu fakt bilan Putinning yuziga niqtashi va ayni shu vaziyatda kuchli ko‘rinishi kerak edi. U esa butunlay teskari harakat qildi”, — dedi The Wall Street Journal suhbatdoshi.
Matbuot anjumanida Tramp nafaqat o‘z mamlakat razvedkasiga ishonishini (AQSh razvedkasi Rossiya saylovlarga aralashganini ta’kidlamoqda), balki prezident Putinga ham ishonishini aytdi (Putin esa Rossiyaning AQShdagi saylovlarga aralashgani haqidagi ayblovlarni to‘liq rad etmoqda).
“Bu yaxshi reja edi. Biroq, afsuski, u reja bo‘yicha harakat qilmadi”, — dedi The Wall Street Journal manbasi.
Izoh (0)