Fransiya taraqqiyot agentligi yaqin 4 yil ichida O‘zbekistondagi loyihalarga 450 million yevro sarmoya kiritish niyatida. Bu haqda Fransiyaning mamlakatdagi elchixonasidagi manbaga tayanib, “Podrobno.uz” xabar berdi.
“Tomonlar hozirda 2018—2021-yillarga mo‘ljallangan ikki tomonlama hamkorlik dasturi tafsilotlarini muhokamasini yakunlamoqda. Ushbu dasturda loyihalar va ularning moliyalashtirish manbalari ko‘rsatib o‘tilgan”, — ta’kidladi manba.
Ma’lumot uchun, hozirda agentlik Samarqandda qattiq maishiy chiqindilarni boshqarishni modernizatsiya qilish loyihasini amalga oshirmoqda. Mazkur tashabbus Markaziy Osiyoda ilk bor chiqindilarni mahallalarda alohida taqsimlashdan tortib to ularni qayta ishlash va utilizatsiya qilishgacha bo‘lgan jarayonni o‘z ichiga oladi.
Buning uchun 70 ta chiqindini yig‘ishtirish mashinasi va boshqa maxsus texnika sotib olinadi, chiqindi poligoni va chiqindilarni turlarga bo‘lish markazi quriladi.
Izoh (0)