Chet el va mahalliy sarmoyadorlarning investitsion takliflarini ochiq muhokama qilish uchun 19-iyul kuni International mehmonxonasining Cristal Ballroom konferents-zalida yoqilg‘i-energetika kompleksi, kimyo, neft-kimyo, metallurgiya va tog‘-kon sanoati masalalariga bag‘ishlangan ikkinchi uchrashuv bo‘lib o‘tdi. Bu haqda Investitsiyalar bo‘yicha davlat qo‘mitasi matbuot xizmati “Daryo”ga xabar berdi.
Tadbir O‘zbekiston Respublikasi Investitsiyalar bo‘yicha davlat qo‘mitasi tomonidan tashkil etildi.
Yagona platformaning birinchi yig‘ilishida o‘rnatilgan an’anaga ko‘ra, Dilmurod Qosimov, O‘zbekiston Prezidenti huzuridagi Tadbirkorlar huquq va manfaatlarini himoya qilish bo‘yicha vakili anjumanning moderator bo‘ldi.
Uchrashuv mavzuiga muvofiq, tadbirda Geologiya va mineral resurslar qo'mitasi raisining birinchi o‘rinbosari A’zam Qodirxo‘jayev, “O‘zkimyosanoat” aksiyadorlik kompaniyasi boshqaruvi raisi o‘rinbosari Shavkat Nabiyev, “O‘zbekenergo” AK boshqaruv raisining o‘rinbosari Shuhrat Sheraliyev va Ulug‘bek Sayidov , “O‘zbekneftgaz” AK boshqaruv raisining birinchi o‘rinbosari ishtirok etdi.
Ushbu davlat va xo‘jalik boshqaruvi organlarining rahbarlari tarmoqning investitsiya salohiyatiga bag‘ishlangan taqdimotlarni taqdim etib, investorlar uchun ishlab chiqilgan investitsiya loyihalari haqida so‘zlab berdi.
Ekspertlarning baholariga ko‘ra, mamlakat Markaziy Osiyodagi barcha mineral zaxiralarning uchdan biriga egadir va dunyoning eng yirik 20 gaz ishlab chiqaruvchilardan biri bo‘lib, uzoq muddatli investitsiya loyihalarini amalga oshirish imkonini beradi. “O‘zbekneftegaz” AKning yirik ishlab chiqarish obyektlari orasida Buxoro va Farg‘ona neftni qayta ishlash zavodlari, Muborak GPP, Sho‘rtan va Ustyurt gaz-kimyo majmualari va boshqalar.
Joriy yilning aprel oyida Qandim konlar guruhidagi gazni qayta ishlash kompleksini ishga tushirish marosimi bo‘lib o‘tdi.
“O‘zbekneftegaz”ning LUKOIL, “Gazprom”, CNPC, KNOC kabi yirik neft kompaniyalari bilan hamkorligi rivojlanmoqda.
Yagona platformaning yig'ilishi yakunida O'zbekiston Respublikasi Investitsiyalar bo‘yicha davlat qo‘mitasi tomonidan tasdiqlanganidek, Toshkent shahar hokimiyati vakili B. Xolmatovning “Toshkent shahrida investitsion loyihalar uchun yer maydonlarini ajratish tartibi” mavzusidagi taqdimoti doirasida investitsiya loyihalarini amalga oshirish uchun hududlarni taqsimlash tartibi muhokama qilindi.
Tadbir ishtirokchilari ularni qiziqtirgan savollarga javob olish imkoniyatiga ega bo‘ldi. Xorijiy va mahalliy sarmoyadorlarning investitsion takliflarini ochiq muhokama yagona platformasining navbatdagi “Yengil sanoat” mavzusidagi yig‘ilishi 26-iyul kuni bo‘lib o‘tadi.
Izoh (0)