“O‘zstandart” agentligida xalqaro aloqalarni mustahkamlash, xodimlarni soha yo‘nalishlarida bilim va tajribalarini oshirish, xorijiy davlatlarda malaka oshirib boy tajribaga ega bo‘lishiga alohida ahamiyat qaratilgan.
Agentlik tomonidan ma’lum qilinishicha, 2018-yilning yarim yillik yakunlari “O‘zstandart” agentligining xalqaro aloqalar bo‘yicha faoliyati uchun samarali keldi. Shu kunga qadar 170 ga yaqin xodimlar soha yo‘nalishlarida dunyoning eng ilg‘or davlatlarida tajriba oshirdi.
Hozirgi kunlarda tizimning 50 dan ortiq xodimi Xitoy Xalq Respublikasining “Bir mintaqa — Bir makon” grant dasturi, Latviyaning “BIOR” ilmiy tadqiqot instituti bilan tuzilgan hamkorlik dasturi orqali Xitoy va Latviya davlatlarida xorijiy tajriba oshirmoqda.
Tajriba almashish davomida agentlik xodimlari uchun sohaga oid mavzular yuzasidan turli mashg‘ulotlar o‘tkazilmoqda. Shuningdek, Pekin, Changjou, Riga shaharlaridagi ilmiy markazlariga safar uyushtirilib, o‘zbek madaniyati va urf-odatlari, hamda O‘zbekiston standartlashtirish, metrologiya va muvofiqlikni baholash tizimi sohasida taqdimotlar o‘tkazildi.
Ushbu xalqaro o‘quv-seminar qatnashuvchilariga tadbir yakunida xalqaro darajadagi sertifikatlar beriladi. Ular joriy yilning sentyabr-dekabr oylarida o‘tkaziladigan o‘quv-seminarlarda trener sifatida ishtirok etib, xorijda olgan bilim va ko‘nikmalarini hamkasblariga o‘rgatadi.
Izoh (0)