«Ўзстандарт» агентлигида халқаро алоқаларни мустаҳкамлаш, ходимларни соҳа йўналишларида билим ва тажрибаларини ошириш, хорижий давлатларда малака ошириб бой тажрибага эга бўлишига алоҳида аҳамият қаратилган.
Агентлик томонидан маълум қилинишича, 2018 йилнинг ярим йиллик якунлари «Ўзстандарт» агентлигининг халқаро алоқалар бўйича фаолияти учун самарали келди. Шу кунга қадар 170 га яқин ходимлар соҳа йўналишларида дунёнинг энг илғор давлатларида тажриба оширди.
Ҳозирги кунларда тизимнинг 50 дан ортиқ ходими Хитой Халқ Республикасининг «Бир минтақа — Бир макон» грант дастури, Латвиянинг «БИОР» илмий тадқиқот институти билан тузилган ҳамкорлик дастури орқали Хитой ва Латвия давлатларида хорижий тажриба оширмоқда.
Тажриба алмашиш давомида агентлик ходимлари учун соҳага оид мавзулар юзасидан турли машғулотлар ўтказилмоқда. Шунингдек, Пекин, Чангжоу, Рига шаҳарларидаги илмий марказларига сафар уюштирилиб, ўзбек маданияти ва урф-одатлари, ҳамда Ўзбекистон стандартлаштириш, метрология ва мувофиқликни баҳолаш тизими соҳасида тақдимотлар ўтказилди.
Ушбу халқаро ўқув-семинар қатнашувчиларига тадбир якунида халқаро даражадаги сертификатлар берилади. Улар жорий йилнинг сентябр декабрь ойларида ўтказиладиган ўқув-семинарларда тренер сифатида иштирок этиб, хорижда олган билим ва кўникмаларини ҳамкасбларига ўргатади.
Изоҳ (0)