Pepsi Superliganing qoldiriligan 14-tur uchrashuvlari o‘tkaziladigan sanalar ma’lum bo‘ldi

Professional futbol ligasi Sport-TV telekanali bilan kelishgan holda Pepsi Superliganing 16-turi vaqtlari hamda 14-tur bellashuvlarining sanasi hamda vaqtlariga oydinlik kiritib oldi, deb xabar beradi PFL matbuot xizmati.

Ma’lumot uchun 14-tur O‘zbekiston termasining Urugvayga qarshi o‘rtoqlik o‘yini sabab qoldirilgandi.

Unga ko‘ra 16-tur bellashuvlari avvaldan belgilab qo‘yilganidek, 8—9-iyul kunlari bo‘lib o‘tadi. Bunda ob-havoning issiqligidan kelib chiqib, o‘yinlarning 19:00 dan erta boshlanmasligiga e’tibor qaratilgan.

O‘zbekiston Kubogi formatiga kichik o‘zgartirish kiritilgani haqida ma’lum qilingandi. Rejaga ko‘ra, chorak final o‘yinlari 12—13 iyul kunlari o‘tkazilishi kerak edi. Endi esa kubok bahslari kuzga qoldirilgan:1/4 finalga qur’a tashlash marosimi 9 iyul kuni bo‘lib o‘tadi va u “Sport” telekanalida jonli ko‘rsatiladi. Rejaga ko‘ra qur’a marosimiga “Milliy stadion” mezbonlik qiladi. Marosim “Bunyodkor” — “Qizilqum” o‘yini tanaffusida bo‘lib o‘tishi rejalashtirilgan.

Urugvayga qarshi o‘rtoqlik o‘yini sabab qolib ketgan 14-tur esa endilikda 12—13-iyul kunlari bo‘lib o‘tadi (kubokning chorak final uchun rejalashtirilgan sanasida).

22-turgacha bo‘lgan o‘yinlar taqvimi esa tez orada ma’lum qilinadi. Bunda Professional futbol ligasi O‘FA hamda MOQ rahbariyatining Osiyo O‘yinlari bo‘yicha talabidan kelib chiqib, o‘yinlar sanalariga o‘zgartirish kiritadi, deyiladi xabarda.