Serbiya—Braziliya o‘yinida Ravshan Ermatov emas, amerikalik Jair Marrufo 4-hakam sifatida ishlashi ma’lum bo‘ldi

Hakamlik faoliyatidagi uchinchi Jahon Chempionatida qatnashayotgan o‘zbekistonlik FIFA referisi Ravshan Ermatov JCh—2018 guruh bosqichi 3-turida yana bir marta ishlashi haqida biroz avval xabar berilgan edi.

Ammo ma’lumot o‘z tasdig‘ini topmadi. Unga ko‘ra,  “E” guruhida o‘rin olgan Serbiya—Braziliya uchrashuvida to‘rtinchi hakam sifatida amerikalik Jair Marrufo faoliyat ko‘rsatadi. Marrufo bahraynlik Navof Shukrulloning o‘rniga tayinlangan. Bahraynlik hakam esa Panama—Tunis o‘yiniga bosh hakam sifatida tayinlangan. Bellashuv bosh hakami esa eronlik Alirizo Fag‘oniy. O‘yin bugun, 27-iyun kuni bo‘lib o‘tadi. Ma’lumot uchun kecha, 26-iyun sanasida o‘zbekistonlik hakam o‘z jamoasi bilan Ispaniya—Marokash uchrashuvida ishlagan edi.