26-iyun sanasida futbol bo‘yicha Rossiyada bo‘lib o‘tayotgan Jahon Chempionati “D” guruhida 3-tur o‘yinlari bo‘lib o‘tdi.
Hozirgina Nigeriya—Argentina bellashuvi yakuniga yetdi. Uchrashuvda hisob 14-daqiqada Lionel Messi tomonidan ochildi. Ikkinchi bo‘limning 51-daqiqasida Viktor Mozes penaltidan gol urib hisobni tenglashtirdi. 86-daqiqada esa Markos Roxo gol urib, Argentinaning guruhdan chiqishini ta’minladi.
Mazkur guruhning yana ikki jamoasi — Islandiya hamda Xorvatiya terma jamoalari o‘rtasidagi o‘yinda xorvatlar 2:1 hisobida g‘alaba qozondi. Barcha gollar ikkinchi bo‘limda urildi. Avvaliga 53-daqiqada Milan Badel gol urib, xorvatlarni oldinga olib chiqqan bo‘lsa, 76-daqiqada Gilfi Sigurdsson penaltidan gol urib hisobni tenglashtirdi. O‘yin so‘nggi daqiqasida Ivan Perishich jamoasiga g‘alaba keltirgan golga mualliflik qildi.
Shu tariqa Xorvatiya guruhda 9 ochko bilan birinchi bo‘ldi, Argentina esa 4 ochko bilan pley-offga yo‘llanmani qo‘lga kiritdi.
3-turdan so‘ng guruhdagi vaziyat:
Jahon Chempionati
“D” guruhi, 3-tur bellashuvlari
26-iyun, seshanba
Nigeriya—Argentina 1:2
Gollar: 0:1—14 Messi, 1:1—51 Mozes, 1:2—86 Roxo.Nigeriya: Uzoxo, Balogun, Trost-Ekong, Omeruo (Ivobi, 90), Mozes, Ndidi, Obi Mikel, Etebo, Idovu, Ixeanacho (Igalo, 46), Musa (Nvankvo, 90).
Argentina: Armani, Merkado, Otamendi, Roxo, Talyafiko (Aguero, 80), Peres (Pavon, 61), Maskerano, Banega, Di Mariya (Mesa, 72), Messi, Iguain.
Ogohlantirishlar: Balogun (32), Maskerano (49), Banega (64), Obi Mikel (90), Messi (90).
Islandiya—Xorvatiya 1:2
Gollar: 0:1—53 Badel, 1:1—76, penalti Sigurdsson, 1:2—90 Perishich.Islandiya: Halldoursson, Sevarsson, Ingason, Sigurdsson (Sigurdarson, 71), Magnusson, Hadlvredsson, Gunnarsson, Gudmundsson, Sigurdsson, Byarnason (Traustason, 90), Finnbogason (Gudmundsson, 85).
Xorvatiya: Kalinich, Yedvay, Chorluka, Chaleta-Sar, Pivarich, Badel, Modrich (Bradarich, 65), Kovachich (Rakitich, 82), Pyatsa (Lovren, 69), Perishich, Kramarich.
Ogohlantirishlar: Pyatsa (14), Hadlvredsson (59), Finnbogason (64), Yedvay (83), Sevarsson (84)
Izoh (0)