Shimoliy Koreya yetakchisi Kim Chen In jurnalistlar mamlakatning yadroviy qurolsizlanishi haqida bergan savollarni e’tiborsiz qoldirdi, deb yozadi “RIA Novosti” Oq uy delegatsiyasi muxbirlariga tayanib.
Kim Chen Indan yadroviy raketalardan voz kechish-kechmasligi haqida uch marta so‘rashgan, ammo u javob bermagan.
AQSh va KXDR yetakchilari yakkama-yakka formatdagi 40 daqiqalik suhbatdan keyin biroz tanaffus qilib, matbuot uchun qisqa bayonotlar bilan chiqish qilgan, so‘ng kengaytirilgan tarkibdagi muzokaralar xonasiga kirib ketgan edi.
Birinchi AQSh — KXDR sammiti bugun, 12-iyun kuni Singapurdagi Sentos kurort orolida joylashgan Capella mehmonxonasida bo‘lib o‘tmoqda.
Izoh (0)