“Hunarmand” uyushmasi a’zolariga bir qator afzalliklarni taqdim etadigan elektron guvohnoma berish tizimi joriy etildi. Bu haqda uyushma matbuot xizmatiga asoslanib, O‘zA xabar berdi.
Bu orqali uyushma a’zolarining vaqtini tejash, chekka hududlarda faoliyat olib borayotgan usta-hunarmandlarga guvohnomani topshirish bilan bog‘liq xarajatlar qisqaradi. Guvohnomani olish muddati tezlashadi.
Shuningdek, uyushma a’zolarining nomi, faoliyat turi, a’zolik muddati, guvohnoma sonini va boshqa ma’lumotlarni uyushmaning elektron bazasidan tekshirish imkoniyati yaratildi. Unda a’zoning ismi, faoliyat turidan tashqari soliq to‘lovchining indetifikatsion raqami (STIR), guvohnomaning amal qilish muddati va boshqa ma’lumotlar ko‘rsatiladi.
Guvohnomani qalbakilashtirishga yo‘l qo‘ymaslik maqsadida guvohnomani tekshirishning 3 xil ko‘rinishi aks ettirilgan:
- QR-kod;
- Uyushmaning rasmiy veb-saytiga havola;
- Uyushmaning kol-sentr raqami (telefon orqali a’zolikni aniqlash maqsadida).
So‘ngra bosqichma-bosqich barcha uyushma a’zolarining guvohnomalari elektron shaklga o‘zgartiriladi.
Izoh (0)