«Ҳунарманд» уюшмаси аъзоларига бир қатор афзалликларни тақдим этадиган электрон гувоҳнома бериш тизими жорий этилди. Бу ҳақда уюшма матбуот хизматига асосланиб, ЎзА хабар берди.
Бу орқали уюшма аъзоларининг вақтини тежаш, чекка ҳудудларда фаолият олиб бораётган уста-ҳунармандларга гувоҳномани топшириш билан боғлиқ харажатлар қисқаради. Гувоҳномани олиш муддати тезлашади.
Шунингдек, уюшма аъзоларининг номи, фаолият тури, аъзолик муддати, гувоҳнома сонини ва бошқа маълумотларни уюшманинг электрон базасидан текшириш имконияти яратилди. Унда аъзонинг исми, фаолият туридан ташқари солиқ тўловчининг индетификацион рақами (СТИР), гувоҳноманинг амал қилиш муддати ва бошқа маълумотлар кўрсатилади.
Гувоҳномани қалбакилаштиришга йўл қўймаслик мақсадида гувоҳномани текширишнинг 3 хил кўриниши акс эттирилган:
- QR-код;
- Уюшманинг расмий веб-сайтига ҳавола;
- Уюшманинг кол-сентр рақами (телефон орқали аъзоликни аниқлаш мақсадида).
Сўнгра босқичма-босқич барча уюшма аъзоларининг гувоҳномалари электрон шаклга ўзгартирилади.
Изоҳ (0)