Toshkent shahridagi Inha universiteti (IUT) 2018/2019-o‘quv yili uchun abituriyentlardan hujjat qabul qilishni boshladi.
Avvalgi yillardagi kabi bu yil ham oliy o‘quv yurtiga hujjat qabul qilish to‘liq onlayn tartibida amalga oshiriladi. Ro‘yxatdan o‘tish 9-iyul kuni soat 17:00 gacha davom etadi.
Abituriyentlarga bo‘lgan talablar o‘zgarishsiz qoldi. Ular IELTS yoki TOEFL iBT sertifikatini taqdim etgan holda ingliz tilidan bilim darajasini tasdiqlashi kerak. Ingliz tilidan sertifikat va boshqa tegishli barcha hujjatlarni taqdim etgan abituriyentlargina imtihonlarga kiritiladi.
2018/2019-o‘quv yili uchun universitet kamida 420 nafar talabani qabul qiladi. Jumladan, “Kompyuter va dasturiy injiniring” yo‘nalishi bo‘yicha 300 nafar va “Logistika” yo‘nalishi bo‘yicha 120 nafar.
“Kompyuter va dasturiy injiniring” yo‘nalishiga imtihonlar 19-iyul, “Logistika” yo‘nalishi bo‘yicha 20-iyul kuni bo‘lib o‘tadi. Birinchi yo‘nalishi bo‘yicha to‘lov-shartnoma narxi 28,5 million, ikkinchi yo‘nalish bo‘yicha 30 million so‘mni tashkil etadi.
Izoh (0)