BMT bosh kotibi Antoniu Guterrish AQSh prezidenti Donald Tramp va Shimoliy Koreya yetakchisi Kim Chen Inning Singapurda bo‘lib o‘tishi kerak bo‘lgan uchrashuvi bekor qilinganiga munosabat bildirdi. Bu haqda “Gazeta.ru” xabar berdi.
BMT bosh kotibi ikki mamlakat yetakchilari o‘rtasidagi sammitning bekor qilinganidan tashvishda ekanligini bildirgan va tomonlarni muhokamalarni davom ettirishga chaqirgan.
Uning so‘zlariga ko‘ra, ikki yetakchi o‘rtsidagi dialog Koreya yarimorolining to‘liq yadrosizlantirilishi uchun muhim hisoblanadi.
24-mayda Donald Tramp uning 12-iyunga Kim Chen In bilan rejalashtirilgan uchrashuvi bekor qilinganini ma’lum qildi. U Pxenyanning “ochiq dushmanligi”ni ko‘rsatgan va bunday sharoitda sammitning o‘tkazilishini o‘rinsiz deb atagan.
Izoh (0)