БМТ бош котиби Антониу Гутерриш АҚШ президенти Дональд Трамп ва Шимолий Корея етакчиси Ким Чен Иннинг Сингапурда бўлиб ўтиши керак бўлган учрашуви бекор қилинганига муносабат билдирди. Бу ҳақда «Газета.ru» хабар берди.
БМТ бош котиби икки мамлакат етакчилари ўртасидаги саммитнинг бекор қилинганидан ташвишда эканлигини билдирган ва томонларни муҳокамаларни давом эттиришга чақирган.
Унинг сўзларига кўра, икки етакчи ўрцидаги диалог Корея яриморолининг тўлиқ ядросизлантирилиши учун муҳим ҳисобланади.
24 майда Дональд Трамп унинг 12 июнга Ким Чен Ин билан режалаштирилган учрашуви бекор қилинганини маълум қилди. У Пхеньяннинг «очиқ душманлиги»ни кўрсатган ва бундай шароитда саммитнинг ўтказилишини ўринсиз деб атаган.
Изоҳ (0)