Hindiston janubidagi Tutikorin shahrida namoyishchilarning politsiya bilan bo‘lgan to‘qnashuvi chog‘ida kamida bir kishi halok bo‘ldi, uch kishi jarohat oldi. Bu haqda “RIA Novosti” xabar qildi.
Mazkur port shaharda boshlangan ommaviy namoyish qatnashchilari shahardagi ayni paytda mavjud bo‘lgan Sterlite mis eritish zavodining yopilishini talab qilgan va yangi zavodning qurilishiga qarshi chiqqan. Shaharliklarning fikricha, mazkur zavodning ishi Tutikorinni ifloslantirmoqda va mahalliy aholi salomatligi yomonlashishining asosiy sabablaridan biri hisoblanadi.
Shahar aholisining zavodni yopishga muvaffaqiyatsiz urinishlari vaqtida, Sterlite Industries shahardagi ishlab chiqarish miqdorini ikki baravar oshirishni rejalashtirayotgani haqida ma’lumotlar paydo bo‘lgan. Bu esa ommaning tajovuzkorona harakat qilishiga olib kelgan, ko‘chalarga 20 ming kishi norozilik bilan chiqqan.
Izoh (0)