Rossiya Mudofaa vazirligi o‘zining YouTube’dagi kanaliga “Yuriy Dolgorukiy” suv ostida kreyseridan birvarakayiga uchirilgan “Bulava” ballistik raketalarining videosini joylashtirdi, deb xabar beradi “Korrespondent.net”.
Videoda suv osti kemasining dengizga chiqishi, ekipajning o‘z postlaridagi ishi, kema komandirining favqulodda jangovar holat borasidagi buyrug‘ini ko‘rish mumkin.
Raketalar uchirilganidan so‘ng, suv osti kemasi komandiri davlat komissiyasi a’zolariga “ballistik raketalar parvozi amalga oshirildi” deya hisobot bergan.
“Buncha miqdordagi raketalarni birvarakayiga suv osti kreyseridan uchirish birinchi marta amalga oshirildi. Ushbu harakatlar jangovar tayyorgarlik bo‘yicha rejalashtirilgan tadbirlar doirasida bajarildi”, — deyiladi Mudofaa vazirligi xabarida.
Izoh (0)