22-may kuni Facebook asoschisi Mark Sukerberg Cambridge Analytica bilan bog‘liq mojarolar fonida Yevropa parlamenti a’zolarining savollariga javob berdi. Ushrashuv 75 daqiqa davom etgan, biroq Sukerberg ko‘plab savollarga javob qaytarishga ulgurmagan. U qolib ketgan savollarga yaqin kunlar ichida yozma javob qaytarishga va’da berdi, deb xabar qiladi Meduza.
Aprel oyida Mark Sukerbergni ikki kun davomida so‘roq qilgan amerikalik senatorlardan farqli o‘laroq Yevropa parlamentida vakillarida atigi 1,5 soat vaqt bor edi. Shu sababli uchrashuv formati g‘alati tus olgan: avvaliga Sukerberg o‘z nutqini so‘zlagan, shundan so‘ng parlamentning har bir a’zosi bir nechtadan savol bergan. Xususan, deputatlarni Facebook’ning Yevropadagi foydalanuvchilar shaxsiy ma’lumotlarini himoya qilish borasidagi yangi qonun-qoidalarga munosibligi va soxta xabarlarga qarshi kurashish so‘z erkinligiga ta’sir ko‘ratishi mumkinligi qiziqtirgan. Shundan keyin Sukerberg 25 daqiqa davomida muhim sanalgan savollarga javob qaytarishga uringan. Belgilangan vaqt tugagach, Sukerberg uchrashuv tugaganini ma’lum qilgan. Sukerberg samolyotga kech qolayotganini va deputatlarning javobsiz qolgan savollariga yozma ravishda javob qaytarishga va’da bergan holda zalni tark etgan.
Eslatib o‘tamiz, avvalroq Cambridge Analytica kompaniyasi Facebook ijtimoiy tarmog‘ining 50 milliondan ortiq foydalanuvchisini shaxsiy ma’lumotlarini to‘plab saylovchilarning siyosiy imtiyozlarini tahlil qilish algoritmini ishlab chiqqani haqida xabar berilgandi.
Izoh (0)