Ҳиндистон жанубидаги Тутикорин шаҳрида намойишчиларнинг полиция билан бўлган тўқнашуви чоғида камида бир киши ҳалок бўлди, уч киши жароҳат олди. Бу ҳақда «РИА Новости» хабар қилди.
Мазкур порт шаҳарда бошланган оммавий намойиш қатнашчилари шаҳардаги айни пайтда мавжуд бўлган Sterlite мис эритиш заводининг ёпилишини талаб қилган ва янги заводнинг қурилишига қарши чиққан. Шаҳарликларнинг фикрича, мазкур заводнинг иши Тутикоринни ифлослантирмоқда ва маҳаллий аҳоли саломатлиги ёмонлашишининг асосий сабабларидан бири ҳисобланади.
Шаҳар аҳолисининг заводни ёпишга муваффақиятсиз уринишлари вақтида, Sterlite Industries шаҳардаги ишлаб чиқариш миқдорини икки баравар оширишни режалаштираётгани ҳақида маълумотлар пайдо бўлган. Бу эса омманинг тажовузкорона ҳаракат қилишига олиб келган, кўчаларга 20 минг киши норозилик билан чиққан.
Изоҳ (0)