Chet el OAVlari Qrim ko‘prigidan birinchi bo‘lib Rossiya prezidenti emas, Mostik laqabli mushuk yurib o‘tganligi haqida yozmoqda, deb xabar beradi “Gazeta.ru”.
“Ko‘prik qurilishi 2015-yilda boshlangan, Vladimir Putin esa undan birinchi bo‘lib yurib o‘tishga umid qilgan edi, ammo mahalliy mushuk ko‘prikni Rossiya prezidentidan bir kun oldin kesib o‘tib, uni ‘ortda qoldirdi’”, — deyiladi Independent xabarida.
Nashr qayd etishicha, Mostik laqabli mushuk Rossiyada mashhur bo‘lib ketgan. Uning Instagram’da o‘z sahifasi bo‘lib, uni 40 mingdan ortiq kishi kuzatib boradi.
Ko‘prik ochilishi arafasida Mostikning Instagram’ida u ko‘prikdan birinchi bo‘lib o‘tgani haqida post paydo bo‘lgan edi.
Izoh (0)