Toshkent shahridagi “Jasorat” maydoni yaqin kunlarda shaharsozlikning zamonaviy talablari asosida tubdan yangilanadi. Bu haqda shahar hokimligi axborot xizmati ma’lum qildi.
O‘tgan asrning 60-yillarida bunyod etilgan maydonda keng ko‘lamli bunyodkorlik, obodonlashtirish va ko‘kalamzorlashtirish tadbirlari amalga oshiriladi.
“Bu bilan shahrimiz aholisi va poytaxt mehmonlari uchun sayohat manzillari maskani yana ko‘payadi. Shu bois bugundan e’tiboran maydon atrofi o‘ralib, bunyodkorlik va obodonlashtirish tadbirlari boshlandi. Xayrli ish sabab maydon atrofidagi piyodalar yo‘lidagi harakat ma’lum muddat aholiga xizmat qilmaydi. Bu noqulaylik uchun Toshkent shahar hokimligi uzr so‘raydi”, — deyiladi xabarda.
Izoh (0)