Shavkat Mirziyoyev Ulug‘nor tumanidagi Shahrobod mahallasida “Obod qishloq” dasturi doirasida amalga oshirilgan ishlarni ko‘zdan kechirdi, odamlar bilan muloqot qildi. Bu haqda Prezident matbuot xizmati xabar berdi.
Yaqin-yaqingacha harob ahvolda bo‘lgan Shahrobod mahallasi butunlay yangicha qiyofa kasb etdi.
24 ta ko‘p qavatli uy, bolalar bog‘chasi va maktab kapital ta’mirlandi. Tomlari yangilanib, tunuka shifer bilan qoplandi. 7,3 ming kvadrat metr maydonga bruschatga yotkizildi, yoritish chiroqlari, dam olish o‘rindiqlar o‘rnatildi.
Qurilish va obodonlashtirish ishlari yana davom etadi. 150 o‘rinlik to‘yxona, xammom, mini-marketlar quriladi. qandolatchilik va tukuvchilik sexi tashkil etiladi.
Davlat rahbari ushbu galdagi loyihalar bilan tanishdi. Tumanlar markazlari bosh rejalarini ishlab chiqish bo‘yicha ko‘rsatmalar berdi.
Izoh (0)