Rimning “Roma” jamoasi braziliyalik darvozabon Alissonni 100 million yevrodan kamiga sotmasligini ma’lum qildi, deb yozadi “Sports.ru”.
“Roma” bu borada Madridning “Real” jamoasi yuborgan ilk taklifni rad etishga ulgurdi. Avvalroq mazkur transfer uchun madridliklar 70 million yevro to‘lashga tayyorligi xabar qilingandi.
Corriere dello Sport’ning qayd etishicha, rimliklar Alissonni 100 million yevrodan kamiga sotmaydi. Alisson uchun ayni damda “Liverpul”, “Chelsi” va PSJ jamoalari ham da’vogarlik qilmoqda.
Alisson joriy mavsum Italiya A Seriyasining 37 uchrashuvida maydonga tushib, 17 o‘yinda o‘z darvozasi daxlsizligini saqlab qolishga erishdi.
Izoh (0)