Kongo Demokratik Respublikasida Ebola virusi oqibatida yuzaga kelgan kasallik bilan og‘rigan bemorlar soni 14 kishini tashkil etmoqda. Bu haqda “Sinxua” agentligiga tayanib, “TASS” xabar berdi.
Ma’lumotlarga ko‘ra, kasallik mamlakat shimoli-g‘arbidagi Ekvatorial provinsiyasi tarqalgan.
Xalqaro sog‘liqni saqlash tashkilotining ma’lum qilishicha, Kongo Demoktarik Respublikasida Ebola bilan og‘rigan ilk bemor shahar hududida aniqlangan, bu esa uning tarqalish ehtimolligini oshiradi.
O‘tgan yili ham mazkur virus tarqalishi oqibatida mamlakatda sakkiz kishi halok bo‘lgandi. Ebola—hozirgi zamonning eng xavfli kasalliklaridan hisoblanadi, u kuchli qorin og‘rishini, isitma, ko‘ngil aynishi va qusish, qon ketishini yuzaga keltiradi. Kasallik bilan og‘rigan bemorlarning 60—90 foizi vafot etadi.
Izoh (0)