14-mayning e’tiborga molik yangiliklari — “Daryo”ning kechki dayjestida.
1. Diana Yenikeyeva ishi yuzasidan sud hukmi o‘qildi. “KAMAZ” haydovchisi olti yilga qamaldi, o‘qituvchilarni obodonlashtirish ishlariga jalb etgan mas’ullar ikki yillik axloq tuzatish ishlariga hukm qilindi.
2. Suv ostida qolgan Toshkent: Suvda “suzayotgan” avtobuslar, avtobus ichida suv. Foto va videolar bejizga ketayotgani yo‘q: Toshkent shahar hokimligi qoshida drenaj-lotok tizimi holatlarini o‘rganish bo‘yicha ishchi guruh tuziladi.
3. Chilonzorda 94-yo‘nalishda qatnovchi Mercedes avtobusi yonib ketdi. Shahar IIBBdan ma’lum qilishlaricha, Chilonzordagi avtobusning yonib ketishiga uning yoqilg‘i tizimidagi nosozlik sabab bo‘lgan.
4. Murad Buildings aholi shikoyatlaridan so‘ng Yunusobodda olib borilayotgan uy qurilishini to‘xtatdi. Shahar hokimi vazifasini bajaruvchi Jahongir Ortiqxo‘jayev shu masalada Murodxon Nazarov bilan qo‘ng‘iroqlashgan.
5. O‘zbekistonda dollar kursi pasayib, rubl biroz jonlandi. Yil boshidan beri dollar kursi 94 so‘mdan ko‘proqqa pastladi.
6. Toshkentda 11 yoshli bolakay attraksionda uchganidan so‘ng vafot etdi. Voqea 12-may kuni “Anhor-Lokomotiv”da bo‘lgan. 13—14-may kunlari bog‘ hududida barcha ko‘ngilochar tadbirlar bekor qilingan.
7. Betob Anvar qori Tursunov o‘rniga Ergash Rustamov Toshkent bosh imom-xatibi vazifasini vaqtincha bajaruvchi etib tayinlandi. Anvar qori aprel oyi boshida mikroinsultni boshdan kechirgan, may oyi boshida esa komadan chiqqani ma’lum qilingan edi.
8. 14-maydan boshlab Toshkentda yangi haydovchilik guvohnomalari Adliya vazirligining davlat xizmatlari markazlarida taqdim etiladi. Yangi guvohnomalarni beradigan markazlarning biri Yunusobodda, ikkinchisi Uchtepada, uchinchisi esa Mirobodda.
9. Times gazetasi Alisher Usmonovni Buyuk Britaniyaning eng boy odamlari ro‘yxatiga kiritdi. Bu yil Usmonov sakkizinchi bo‘ldi. Bir yil beshinchi o‘rinda edi.
Izoh (0)