14 майнинг эътиборга молик янгиликлари — «Дарё»нинг кечки дайжестида.
1. Диана Еникеева иши юзасидан суд ҳукми ўқилди. «КАМАЗ» ҳайдовчиси олти йилга қамалди, ўқитувчиларни ободонлаштириш ишларига жалб этган масъуллар икки йиллик ахлоқ тузатиш ишларига ҳукм қилинди.
2. Сув остида қолган Тошкент: Сувда «сузаётган» автобуслар, автобус ичида сув. Фото ва видеолар бежизга кетаётгани йўқ: Тошкент шаҳар ҳокимлиги қошида дренаж-лоток тизими ҳолатларини ўрганиш бўйича ишчи гуруҳ тузилади.
3. Чилонзорда 94-йўналишда қатновчи Mercedes автобуси ёниб кетди. Шаҳар ИИББдан маълум қилишларича, Чилонзордаги автобуснинг ёниб кетишига унинг ёқилғи тизимидаги носозлик сабаб бўлган.
4. Murad Buildings аҳоли шикоятларидан сўнг Юнусободда олиб борилаётган уй қурилишини тўхтатди. Шаҳар ҳокими вазифасини бажарувчи Жаҳонгир Ортиқхўжаев шу масалада Муродхон Назаров билан қўнғироқлашган.
5. Ўзбекистонда доллар курси пасайиб, рубль бироз жонланди. Йил бошидан бери доллар курси 94 сўмдан кўпроққа пастлади.
6. Тошкентда 11 ёшли болакай аттракционда учганидан сўнг вафот этди. Воқеа 12 май куни «Анҳор-Локомотив»да бўлган. 13—14 май кунлари боғ ҳудудида барча кўнгилочар тадбирлар бекор қилинган.
7. Бетоб Анвар қори Турсунов ўрнига Эргаш Рустамов Тошкент бош имом-хатиби вазифасини вақтинча бажарувчи этиб тайинланди. Анвар қори апрель ойи бошида микроинсультни бошдан кечирган, май ойи бошида эса комадан чиққани маълум қилинган эди.
8. 14 майдан бошлаб Тошкентда янги ҳайдовчилик гувоҳномалари Адлия вазирлигининг давлат хизматлари марказларида тақдим этилади. Янги гувоҳномаларни берадиган марказларнинг бири Юнусободда, иккинчиси Учтепада, учинчиси эса Мирободда.
9. Times газетаси Алишер Усмоновни Буюк Британиянинг энг бой одамлари рўйхатига киритди. Бу йил Усмонов саккизинчи бўлди. Бир йил бешинчи ўринда эди.
Изоҳ (0)