So‘nggi turlarda “Manchester Yunayted” va “Tottenhem”ni mag‘lub etgan “Vest Bromvich” APLni tark etadigan bo‘ldi

Kecha, 8-may sanasida Angliya premyer ligasini 31-turi doirasida qoldirilgan uchrashuv o‘tkazildi.

Unda APLda qolish uchun kurashayotgan jamoalar to‘qnash keldi. “Suonsi” o‘z maydonida “Sautgempton”ni qabul qildi. Uchrashuvdagi yagona gol 72-daqiqada Manolo Gabbiadini tomonidan kiritildi. Shu tariqa mehmonlar o‘z hisobiga muhim 3 ochkoni yozib qo‘ydi.

Bu mag‘lubiyat orqali esa “Suonsi” Chempionshipga yaqinlashib qoldi. “Sautgempton” esa bu g‘alaba orqali o‘z ochkolari sonini 36 taga yetkazib oldi. Bu esa “Sautgempton”ning turnir jadvalida 16-o‘ringa ham ko‘tarilishini ham ta’minladi. Mavsum yakunlanishiga bir tur qolganida 31 ochkoga ega bo‘lib turgan “Vest Bromvich” APLni tark etishi oydinlashdi.