Buyuk Britaniya tashqi ishlar vaziri Boris Jonson Eronga nisbatan siyosatni qattiqqo‘llik bilan yuritish va mamlakat bilan atom bo‘yicha kelishuv kamchiliklarini o‘nglash zarurligini bildirdi. Bu haqda “Gazeta.ru” xabar berdi.
“Biz Eron mintaqada amalga oshirayotgan ishlarga to‘sqinlik qilishimiz, qattiqqo‘lroq bo‘lishimiz lozim. Shuningdek, kelishuv kamchiliklarini ham o‘nglash zarur”, — dedi Jonson.
Bunday kamchiliklar qatorida Jonson kelishuvda ko‘rsatib o‘tilgan Eronga uranni boyitish jarayonini tezlatishga ruxsat berish ko‘zda tutilgan sana sifatida 2025-yil ko‘rsatib o‘tilganini aytdi.
Uning ta’kidlashicha, bu kelgusida mamlakat rasmiylari tomonidan sanksiyalarga qaytilmagani holda yadro quroli yaratilishiga olib kelishi mumkin.
U shuningdek, AQSh prezidenti Trampning bu muammoga e’tibor qaratish zarurligi to‘risidagi da’vatini qo‘llab-quvvatladi va uni yana bir bor kelishuvdan chiqmaslikka chaqirdi.
Izoh (0)