Qozog‘istonning Olmaota shahrida o‘n yoshli qiz belgilanmagan joydan yo‘lga yugurib chiqqani va avtomobil signaliga e’tibor qaratmagani sababli o‘t o‘chirish mashinasi ostida qolib halok bo‘ldi. Bu haqda “Vesti Kavkaza” xabar berdi.
Ikki nafar qiz yo‘lovchilar o‘tishi uchun belgilanmagan joydan yugurib chiqqan vaqtda o‘t o‘chirish mashinasi yo‘lda harakatlanib ketayotgan edi. Uchinchi qizcha yo‘lga keyinroq yugurib chiqqan, maxsus avtomobil haydovchisi ulovni sekinlatib, signal chalgan. Qizcha esa yo‘lning o‘rtasida to‘xtagan, biroq bir lahzadan so‘ng u noma’lum sababga ko‘ra to‘satdan oldinga harakatlangan.
To‘qnashuvni oldini olishga uringan haydovchi rulni chapga burib, tormoz bosgan. Biroq avtomobilning orqa g‘ildiragi qizchani bosib ketgan.
O‘n yoshli qizcha voqea joyida tez yordam yetib kelguniga qadar halok bo‘lgan.
Izoh (0)