“Manchester Yunayted”ning afsonaviy murabbiyi Ser Aleks Fergyuson shoshilinch jarrohlik amaliyotini boshdan kechirdi, deb xabar beradi “Sports.ru”
Qayd etilishicha, 76 yoshli shotlandiyalik murabbiy payshanba kuni o‘zini yomon his qilgan va juma kuni shifoxonaga yotqizilgan.
“Bugun, Ser Aleks Fergyuson miyaga qon quyilishi sababli tezkor jarrohlik amaliyotini boshdan o‘tkazdi. Amaliyot juda yaxshi o‘tdi. Fergyusonga sog‘ayish uchun bir muddat intensiv parvarish zarur”,— deyiladi “Manchester Yunayted” rasmiy bayonotida.
Ser Aleks “Manchester Yunayted”ni 27 yil davomida (1986-2013) boshqarib, 38 ta sovringa ega chiqqan. Shundan 13 tasi APL chempionligidir.
Izoh (0)