«Манчестер Юнайтед»нинг афсонавий мураббийи Сер Алекс Фергюсон шошилинч жарроҳлик амалиётини бошдан кечирди, деб хабар беради «Sports.ru»
Қайд этилишича, 76 ёшли шотландиялик мураббий пайшанба куни ўзини ёмон ҳис қилган ва жума куни шифохонага ётқизилган.
«Бугун, Сер Алекс Фергюсон мияга қон қуйилиши сабабли тезкор жарроҳлик амалиётини бошдан ўтказди. Амалиёт жуда яхши ўтди. Фергюсонга соғайиш учун бир муддат интенсив парвариш зарур»,— дейилади «Манчестер Юнайтед» расмий баёнотида.
Сер Алекс «Манчестер Юнайтед»ни 27 йил давомида (1986-2013) бошқариб, 38 та совринга эга чиққан. Шундан 13 таси АПЛ чемпионлигидир.
Изоҳ (0)