“Tolibon” harakati Afg‘oniston-Tojikiston chegarasidagi 29 ta mashg‘ulot bazalariga o‘zining 7 mingga yaqin jangarilarini joylashtirdi. Bu haqda Tojikiston Milliy xavfsizlik davlat qo‘mitasi chegara qo‘shinlari qo‘mondoni Rajabali Rahmonali ma’lum qildi, deb yozadi KNews.
Uning so‘zlariga ko‘ra, “Tolibon” harakatining 6825 nafar jangarisi Afg‘oniston janubidan shimoliga ko‘chirilgan va ular ayni paytda Balx, Qunduz, Tahor va Badaxshon viloyatlaridagi 29 ta mashg‘ulot bazalarida. Ushbu jangarilarning ko‘pchiligini Markaziy Osiyo mamlakatlari fuqarolari tashkil qiladi, dedi Rajabali Rahmonali.
Ekspertlar fikricha, tojik-afg‘on chegarasida jangarilarning zichlashuvi Yaqin Sharq, xususan, hududlarining katta qismi hukumat qo‘shinlari nazoratiga o‘tayotgan Suriyadagi vaziyatning rivojlanishi bilan bog‘liq.
Izoh (0)