«Толибон» ҳаракати Афғонистон-Тожикистон чегарасидаги 29 та машғулот базаларига ўзининг 7 мингга яқин жангариларини жойлаштирди. Бу ҳақда Тожикистон Миллий хавфсизлик давлат қўмитаси чегара қўшинлари қўмондони Ражабали Раҳмонали маълум қилди, деб ёзади KNews.
Унинг сўзларига кўра, «Толибон» ҳаракатининг 6825 нафар жангариси Афғонистон жанубидан шимолига кўчирилган ва улар айни пайтда Балх, Қундуз, Таҳор ва Бадахшон вилоятларидаги 29 та машғулот базаларида. Ушбу жангариларнинг кўпчилигини Марказий Осиё мамлакатлари фуқаролари ташкил қилади, деди Ражабали Раҳмонали.
Экспертлар фикрича, тожик-афғон чегарасида жангариларнинг зичлашуви Яқин Шарқ, хусусан, ҳудудларининг катта қисми ҳукумат қўшинлари назоратига ўтаётган Суриядаги вазиятнинг ривожланиши билан боғлиқ.
Изоҳ (0)