Toshkent shahar hokimligi axborot xizmati xodimlari Shayxontohur tumani Jarariq mahallasi Bog‘ ko‘cha 35-uyda yashovchi Shomahmudovlar oilasining katta qizi Holida xolaning (Olga Semyonovna) xonadonida bo‘ldi.
Holida xola Shomahmudovlar oilasi haykalining “Istiqlol” san’at saroyi oldidagi maydonga ko‘chirilishidan juda mamnunligini va bu hayotdan roziligini ma’lum qilgan.
Holida xola ayni vaqtda sog‘-salomat ikki nevara hamda besh evarasi bag‘rida baxtli-saodatli hayot kechirmoqda.
“Shu kunlarga yetib kelganimga shukur. Hamma bo‘layotgan xayrli ishlarni o‘z ko‘zim bilan ko‘rayotganimga shukur. 9-may kuni uzun limuzin mashinasida dodamning nomi qaytgan maydonga olib boringlar”, — deydi hazil tarzida Holida xola.
Prezident Shavkat Mirziyoyev Shomahmudovlar oilasining xalqlar do‘stligi ifodachisi ekanini ta’kidlab, “Istiqlol” san’at saroyi nomi va maydoni, bundan tashqari shu yerdagi Bunyodkor metro bekatini ham “Xalqlar do‘stligi” nomi bilan qayta nomlashga Shayxontohur tumanidagi Bog‘ ko‘cha o‘rniga Shomahmudovlar nomini qaytarish haqida topshiriq berdi.
Ikkinchi Jahon urushi yillarida turli millatlarga mansub bo‘lgan 15 nafar bolani o‘z qanotiga olgan Shoahmad va Bahri Shomahmudovlar oilasining xalqlar do‘stligini ifoda etib turuvchi haykallari Toshkent shahridagi “Istiqlol” san’at saroyining maydoniga ko‘chirilishini ma’lum qildi.
“Bizning bag‘rikengligimiz ota-bobolarimizdan qolgan va qoladi. Ilohim bolalarimizga ham shu o‘tsin ana shu adolat bo‘ladi” – deb ta’kidlab o‘tdi Prezident.
Izoh (0)