“Daryo” internet-nashriga kirishda muammolar yuzaga kelayotgani haqida

1-may, seshanba kuni soat taxminan 9:40 atrofida O‘zbekistondagi ba’zi internet provayderlarning foydalanuvchilarida “Daryo” internet-nashriga kirishda muammolar yuzaga kelishni boshladi.

Toshkent vaqti bilan 11:00 holatiga ko‘ra, ba’zi internet provayderlarning foydalanuvchilarida hali ham “Daryo”ga kirishda muammolar kuzatilmoqda. Ayni vaqtda, bir qator o‘zbek provayderlarning foydalanuvchilarining saytga kirishida muammolar yo‘q.

“Daryo” internet-nashri ushbu muammolar foydalanuvchilarning serverga ulanishi darajasida yuz berayotgani, sayt barqaror ishlashda davom etayotganini ma’lum qiladi. Sayt texnik mutaxassislari hozirgi vaqtda yuzaga kelgan muammoni bartaraf etish ustida ish olib bormoqda.

“Daryo” tahririyati yuzaga kelgan noqulayliklar vaqtinchalik ekanini ma’lum qiladi va mushtariylardan ushbu holatni to‘g‘ri tushunishni so‘raydi.