AQShning Michigan shtati politsiyasi 24-aprelga o‘tar kechasi Detroyt yaqinidagi trassada bir erkak o‘zini o‘ldirmoqchiligi haqida xabar olgan. Erkak ko‘prikda, yo‘lning qatnov qismi ustida turib, pastga sakrash bilan tahdid qilgan. Uni bir nechta yuk mashinasi haydovchilari yordamida qutqarishga muvaffaq bo‘lingan. Bu haqda TJournal xabar berdi.
Dastlab politsiyachilar yo‘ldagi harakatni to‘xtatgan. Keyin ular yuk mashinalari haydovchilari bilan bog‘lanib, ularni yordamga chaqirgan. 13 ta yuk mashinasi ko‘prik ostida joylashtirilgan, yo‘l shu tariqa yopilib, haydovchilar sakrash balandligini ikki marta kamaytirgan.
Politsiya vakilining aytishicha, bunday holatlarda yuk mashinalari haydovchilariga murojaat qilish tez-tez uchrab turadigan holat, biroq bu safar “operatsiya” qatnashchilari odatdagidan ko‘proq bo‘lgan.
Erkak bilan muzokaralar to‘rt soatdan ko‘proq davom etgan. Yakunda u ko‘prikdan tushishga rozi bo‘lgan va tibbiy yordamga murojaat qilgan.
Izoh (0)