Shotlandiyalik bloger Markus Michan o‘zi yaxshi ko‘radigan qizning itiga natsistlar uslubida salomlashishni o‘rgatgani uchun jarimaga tortildi. Bu haqda TJournal xabar berdi.
Sudyaning ma’lum qilishicha, video haqoratli, “antsemitik va irqchilik” ruhida bo‘lgan. Uning fikriga ko‘ra, Michan ataylab shunday videoni tasvirga olgan va uni internetga joylagan.
Michan 2016-yilning may oyida, video YouTube’da foydalanuvchilar noroziligiga sabab bo‘la boshlaganda qo‘lga olingan.
Shotlandiyalik bloger ustidan sud 2017-yilda boshlangan. Bloger videoni yaxshi ko‘rgan qizi uchun tasvirga olganini tan olgan. Qiz esa Michanni himoya qilib, u hech qachon yahudiylarni haqorat qilmaganini aytgan. 2018-yilning mart oyida Michan g‘azab uyg‘otishda aybdor deb topilgan.
Izoh (0)