BMT bosh kotibi Antoniu Guterrish Xavfsizlik kengashining samarasizligini e’tirof etdi va yangi sovuq urush boshlangani haqida gapirdi. Bu haqda u Shvetsiyaning SVT telekanaliga bergan intervyusida aytib o‘tdi.
Duma shahrida go‘yoki kimyoviy hujum amalga oshirilgani haqida paydo bo‘lgan ma’lumotga javoban, G‘arb mamlakatlarining Suriyaga aviazarbalar uyushtirishi qonuniymi, yo‘qmi degan savolga javob berar ekan, u “bunday vaziyatlarni hal qilish uchun bizda tushunarli qoidalar bor, ammo endi ortga qaramaslik muhim”, dedi.
“Sovuq urush qaytib keldi”, — dedi u XX asrning shunday davriga nisbatan sezilarli farqlar borligini ta’kidlar ekan. “O‘shanda AQSh va Sovet Ittifoqi o‘rtasida jiddiy nizo bor edi. Endi Vashington va Moskva o‘shandagidek hammani nazorat qilmayapti. Ko‘plab mamlakatlar mintaqada faol: Turkiya, Eron, Saudiya Arabistoni va boshqalar, ikkita bir xil nazorat qilinuvchi blok yo‘q”, — deya aniqlik kiritdi u.
Guterrish Rossiya va G‘arb o‘rtasidagi nizoni “jiddiy” deb atadi. “Biz muloqotni qayta tiklash, tomonlar o‘tgan hafta o‘z cho‘qqisiga chiqqan keskinlikni yengib o‘tishi uchun imkonimiz boricha harakat qilishimiz kerak”, — deya xulosa qildi u.
Izoh (0)