Checheniston rahbari Ramzan Qodirov respublikada inson huquqlari buzilayotganini bildirgan AQSh davlat kotibi vazifasini bajaruvchi Jon Sallivanni mintaqaga taklif qildi. Bu haqda “Gazeta.ru” xabar bermoqda.
“AQShning bo‘lajak davlat kotibini Grozniydagi izolyator va Naur tumanidagi koloniyaga taklif qilaman. Agar tergov ostidagilar va ozodlikdan mahrum etilganlarni saqlab turish sharoitlari AQSh qamoqxonalaridan yaxshi bo‘lmasa, oshkora kechirim so‘rayman. Biroq bunday qilishimga to‘g‘ri kelmasligini yaxshi bilaman”, — deya ma’lum qildi Qodirov “VKontakte”dagi sahifasida.
Checheniston rahbariga ko‘ra, AQSh Rossiyada iqtisodiy inqirozni keltirib chiqarish, odamlarni ish haqidan mahrum etish va qashshoqlikka duchor qilishga intilmoqda.
Izoh (0)