Toshkent viloyatining Ohangaron tumanida 14-aprel kuni 2 kishining o‘limiga sabab bo‘lgan yo‘l-transport hodisasi ro‘y berdi. Bu haqda IIV jamoatchilik va OAV bilan aloqalar boshqarmasi xabar berdi.
Shu kuni soat 13:00 atrofida Bekobod tumanida yashovchi V.B. o‘ziga biriktirilgan Epica rusumli avtomobilni “Guliston-Bo‘ka-Angren-Qo‘qon-Andijon-O‘sh” yo‘lining 150-kilometrida haydab ketayotib, shu yo‘nalishda oldinda harakatlanib ketayotgan M.M. boshqaruvidagi Nexia mashinasining orqa qismiga borib urildi.
YTH oqibatida haydovchi V.B. va uning 2 nafar yo‘lovchisi hamda M.M. va uning 4 nafar yo‘lovchisi jarohat olib, kasalxonaga yotqizildi.
Ko‘rsatilgan tibbiy muolajalarga qaramay, Nexia yo‘lovchilari (ikki ayol) —1936-yilda tug‘ilgan O‘.N. va 1963-yilda tug‘ilgan N.E. hayotdan ko‘z yumdi.
Mazkur hodisa yuzasidan tergov ishlari olib borilmoqda.
Izoh (0)