Ming yillik tarixga ega o‘zbek shoyi erkaklar ko‘ylagi 25-aprel kuni Londondagi Sotheby’s auksion uyida kimoshdi savdosiga qo‘yiladi, deb yozadi “Vesti.uz” New York Times’ga tayanib.
Ko‘ylak tumshug‘ida dur marjon tutgan o‘rdaklar tasvirlari bilan bezatilgan. Rasmlar yurak va boshqa shakllarni o‘z ichiga olgan moviy tusdagi sakkiz burchakli naqshlar bilan hoshiyalangan.
Taxminlarga ko‘ra, bunday kiyimni So‘g‘d imperiyasida to‘ralar yoki saroy amaldorlari kiyib yurgan. Imperiya hozirgi O‘zbekiston va Tojikiston hududlarida joylashgan va X asrda yo‘q bo‘lib ketgan.
“Bunday turdagi buyumning shunday holatda saqlanishi — juda kamyob hodisa”, — deya e’tirof etdi Sotheby’s’ning O‘rta Sharq bo‘linmasi rahbari Benedikt Karter. Tarixiy buyumning boshlang‘ich narxi — 700 ming dollar.
Izoh (0)