Тошкент вилоятининг Оҳангарон туманида 14 апрель куни 2 кишининг ўлимига сабаб бўлган йўл-транспорт ҳодисаси рўй берди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Шу куни соат 13:00 атрофида Бекобод туманида яшовчи V.Б. ўзига бириктирилган Epica русумли автомобилни «Гулистон-Бўка-Ангрен-Қўқон-Андижон-Ўш» йўлининг 150-километрида ҳайдаб кетаётиб, шу йўналишда олдинда ҳаракатланиб кетаётган М.М. бошқарувидаги Nexia машинасининг орқа қисмига бориб урилди.
ЙТҲ оқибатида ҳайдовчи V.Б. ва унинг 2 нафар йўловчиси ҳамда М.М. ва унинг 4 нафар йўловчиси жароҳат олиб, касалхонага ётқизилди.
Кўрсатилган тиббий муолажаларга қарамай, Nexia йўловчилари (икки аёл) —1936 йилда туғилган Ў.Н. ва 1963 йилда туғилган Н.Э. ҳаётдан кўз юмди.
Мазкур ҳодиса юзасидан тергов ишлари олиб борилмоқда.
Изоҳ (0)