Shu yilning 11-aprel kuni Toshkent shahar IIBB navbatchilik qismiga erkak kishi qo‘ng‘iroq qilib, tanishi, 40 yoshli M.Xni pichoq bilan bir necha bor jarohatlagani va oqibatda uning halok bo‘lgani haqida xabar berdi.
Holat bo‘yicha Bektemir tuman prokuraturasi tomonidan Jinoyat Kodeksining 97-moddasi bilan jinoyat ishi qo‘zg‘atildi va 36 yoshli N. J. ayblanuvchi sifatida qo‘lga olindi. Olib borilgan surishtiruv-tergov vaqtida ayblanuvchi fojianing qanday sodir bo‘lganligini so‘zlab berdi.
Unga ko‘ra, N.J 13-fevral kuni M.X. bilan tasodifan tanishib qolgan. O‘z avtomobilida ketayotib, ayol kishining mashina g‘ildiragini almashtirishga urinayotganini ko‘rib qolgan N.J unga yordam berishga qaror qiladi. Shu bahona erkak va ayol o‘rtasida iliq suhbat boshlanadi. Yangi tanishlar telefon raqamlarini berishgan. Ertasi kuni esa M. J. yigitga qo‘ng‘iroq qilib, uyiga taklif qilgan. Kechki ovqat bilan spirtli ichimliklar iste’mol qilinadi va o‘zaro yaqin “suhbat” yotoqxonada davom etadi.
Shu voqeadan so‘ng ayol N.J.ga tez-tez qo‘ng‘iroq qilib, aloqani davom ettirishni so‘raydi. Yigit esa oilasi, ikki nafar farzandi borligini aytib, uni boshqa bezovta qilmaslikni talab etadi. Biroq, shunga qaramay M. J. uni tinch qo‘ymagan, aksincha, bu haqda qarindoshlariga aytib berish bilan po‘pisa qilgan.
So‘zida turgan ayol qandaydir yo‘l bilan uy manzilini topib, yigitning raqifasiga ular o‘rtasida bo‘lib o‘tgan voqealarni gapirib beradi. Shu sabab N. J. va turmush o‘rtog‘i o‘rtasidagi munosabat buziladi. Lekin yigit bu haqda ichki ishlar organi, profilaktika inspektoriga yoki mahalla raisiga aytishga uyalgan, bundan boshqalar ham xabar topishidan qo‘rqqan.
O‘sha mash’um kunda N. J. uch farzandning onasi bo‘lgan M. X.ning uyiga borib, undan yana bir bor o‘zini va oilasini tinch qo‘yishini so‘ragan. Biroq, ayol faqat bir shart bilan uning uyiga boshqa bormasligi — buning uchun yigit doimiy ravishda ayolnikiga kelib turishini talab qiladi.
Ayol qancha yolbormasin, N. J. o‘z so‘zida turib oladi. U esa aytganiga rozi bo‘lmasa yigitning oilasini buzish bilan tahdid qiladi, ishonchini oqlamaganlikda, uni aldaganlikda ayblaydi.
Oqibatda o‘zini tutib turolmagan N. J. stolda turgan pichoqni olib, ayolga bir necha bor zarba beradi. Qilgan ishini anglab yetgan yigit 102 ga qo‘ng‘iroq qildi.
Izoh (0)