Шу йилнинг 11 апрель куни Тошкент шаҳар ИИББ навбатчилик қисмига эркак киши қўнғироқ қилиб, таниши, 40 ёшли М.Хни пичоқ билан бир неча бор жароҳатлагани ва оқибатда унинг ҳалок бўлгани ҳақида хабар берди.
Ҳолат бўйича Бектемир туман прокуратураси томонидан Жиноят Кодексининг 97-моддаси билан жиноят иши қўзғатилди ва 36 ёшли Н. Ж. айбланувчи сифатида қўлга олинди. Олиб борилган суриштирув-тергов вақтида айбланувчи фожианинг қандай содир бўлганлигини сўзлаб берди.
Унга кўра, Н.Ж 13 февраль куни М.Х. билан тасодифан танишиб қолган. Ўз автомобилида кетаётиб, аёл кишининг машина ғилдирагини алмаштиришга уринаётганини кўриб қолган Н.Ж унга ёрдам беришга қарор қилади. Шу баҳона эркак ва аёл ўртасида илиқ суҳбат бошланади. Янги танишлар телефон рақамларини беришган. Эртаси куни эса М. Ж. йигитга қўнғироқ қилиб, уйига таклиф қилган. Кечки овқат билан спиртли ичимликлар истеъмол қилинади ва ўзаро яқин «суҳбат» ётоқхонада давом этади.
Шу воқеадан сўнг аёл Н.Ж.га тез-тез қўнғироқ қилиб, алоқани давом эттиришни сўрайди. Йигит эса оиласи, икки нафар фарзанди борлигини айтиб, уни бошқа безовта қилмасликни талаб этади. Бироқ, шунга қарамай М. Ж. уни тинч қўймаган, аксинча, бу ҳақда қариндошларига айтиб бериш билан пўписа қилган.
Сўзида турган аёл қандайдир йўл билан уй манзилини топиб, йигитнинг рақифасига улар ўртасида бўлиб ўтган воқеаларни гапириб беради. Шу сабаб Н. Ж. ва турмуш ўртоғи ўртасидаги муносабат бузилади. Лекин йигит бу ҳақда ички ишлар органи, профилактика инспекторига ёки маҳалла раисига айтишга уялган, бундан бошқалар ҳам хабар топишидан қўрққан.
Ўша машъум кунда Н. Ж. уч фарзанднинг онаси бўлган М. Х.нинг уйига бориб, ундан яна бир бор ўзини ва оиласини тинч қўйишини сўраган. Бироқ, аёл фақат бир шарт билан унинг уйига бошқа бормаслиги — бунинг учун йигит доимий равишда аёлникига келиб туришини талаб қилади.
Аёл қанча ёлбормасин, Н. Ж. ўз сўзида туриб олади. У эса айтганига рози бўлмаса йигитнинг оиласини бузиш билан таҳдид қилади, ишончини оқламаганликда, уни алдаганликда айблайди.
Оқибатда ўзини тутиб туролмаган Н. Ж. столда турган пичоқни олиб, аёлга бир неча бор зарба беради. Қилган ишини англаб етган йигит 102 га қўнғироқ қилди.
Изоҳ (0)